لە بەریتانیا بەهۆی هێرشێکەوە لانیکەم 10 کەس بریندار کران

ئاڤا نیوز

لە شەمەندەفەرێک لە بەریتانیا بە چەقۆ هێرش دەکرێت و 10 کەس بریندار دەکرێن.

ڕاگەیێنراوی فەرمی: پۆلیسی بەریتانیا ڕایگەیاند: بە هۆی هێرشی چەند کەسێکەوە لانیکەم 10 کەس بریندار دەکرێن کە دۆخی تەندروستیی نۆ لە بریندارەکان مەترسیدارە و بۆ نەخۆشخانە گوێزراونەتەوە.

زانیاریی زیاتر: شەمەندەفەرەکە لە ڕۆژهەڵاتی بەریتانیاوە بەرەو وێستگەی شەمەندەفەری کینگس کرۆس لە لەندەن بەڕێوە بووە؛ لە کاتی ڕووداوەکە لە وێستگەی هانتینگدۆن لە کامبرێج شایەر بە ناچاری وەستاوە.

ئەمەش بزانە: لێکۆڵینەوە لە ڕووداوەکە دراوەتە دەست پۆلیسی دژە تیرۆری بەریتانیا و کارەکانی دەستپێکردووە و تا ئێستا دوو دەستگیر کراون بەڵام زانیاریی لەسەر ناسنامەیان بڵاو نەکراوەتەوە.