نەوتی سپی بۆ ناوەندەکانی خوێندن دابین دەكرێت

ئاڤا نیوز

حکومەتی هەرێمی کوردستان، لە چەند ڕۆژی داهاتوو نەوتی سپی بۆ سەرجەم ناوەندەکانی خوێندن دابین دەکات.

وێنە گەورەکە: لەگەڵ نزیکبوونەوە لە وەرزی سەرما، وەزارەتی پەروەردەی حکومەتی هەرێمی کوردستان لە ڕۆژانی داهاتوودا لەڕێگەی چەند کۆمپانیایەک نەوتی سپی بۆ ناوەندەکانی خوێندنی هەرێمی کوردستان دابین دەکات.

لێدوانی فەرمی: د.ئالان حەمە سەعید، وەزیری پەروەردەی حکومەتی هەرێمی کوردستان لە کۆنفراسێکی ڕۆژنامەوانیدا ڕایگەیاند، بەم نزیکانە دەست بە دابەشکردنی نەوتی سپی دەکرێت، ڕێککارەکان دەستیپێکردووە و ئەمڕۆ لە هەوڵی ئەوەداین لە پارێزگای سلێمانی گرێبەست لەگەڵ کۆمپانیایەک بکەین بەمەبەستی دابینکردنی نەوت بۆ قوتابخانەکانی سنوورەکە، لە هەولێر و دهۆکیش بەهەمان شێوە.

زانیاریی زیاتر: بڕیار وایە ئەمساڵ بڕی هەشت ملیۆن و 500 هەزار لیتر نەوتی سپی لە سەرجەم ناوەندەکانی خوێندن دابەش بکرێت.