دانوستانەکانی ئەفغانستان و پاکستان لە ئیستەنبووڵ دەستپێدەکەنەوە

ئاڤا نیوز

دوای ئەوەی دانوستانەکانی پێشووی نێوان ئەفغانستان و پاکستان بۆ ئاگربەست دەرئەنجامی ئەرێنیان بەدەست نەهێنا، بڕیارە ئەمڕۆ پێنجشەممە لە تورکیا هەردوولا دووبارە دەست بە دانوستان بکەنەوە.

 

چیڕۆکی سەرەکی: دوای زنجیرەیەک پێکدادان لەسەر سنوورەکانی نێوان پاکستان و ئەفغانستان، دواجار هەردوولا لە دەوحە، لەسەر ئاگربەستێکی سەرەتایی ڕێککەوتبوون، دوو خولی دانوستانیان لە ئەستەنبووڵ بە نێوەندگیریی تورکیا و قەتەر ئەنجام دا بەڵام دواجار لەسەر خاڵە ناکۆکەکان نەگەیشتنە هیچ ڕێککەوتنێک.

 

زانیاریی زیاتر؛ بڕیارە دانوستانەکان ئەمڕۆ پێنجشەممە دەستپێبکەنەوە، چاوەڕوان دەکرێت دانوستانکاران وردەکارییەکانی ئەو میکانیزمە و پرسەکانی دیکەی تایبەت بە جێبەجێکردنی ئاگربەستەکە بخەنەڕوو.

 

لەلایەکی دیکە؛ بێمتمانەیی لەنێوان هەردوولا  زۆرە و پێشتر هەردوو وڵات یەکتریان بەوە تۆمەتبار کردووە کە بە نیازپاکییەوە مامەڵە ناکەن، هۆشداریشیان داوە لە دەستپێکردنەوەی شەڕ لە ئەگەری شكستی ئاگربەست.