ئەنجوومەنی ئاسایش سزاکانی سەر ئەحمەد شەرع هەڵدەگرێت

ئاڤا نیوز

ئەنجوومەنی ئاسایشی نەتەوەیەکگرتووەکان هەر یەک لە ئەحمەد شەرع، سەرۆکی سووریا و ئەنەس خەتاب، وەزیری ناوخۆی ئەو وڵاتەی لە لیستی سزا نێودەوڵەتییەکان دەرهێنا.

چیرۆکی سەرەکی: ئەنجوومەنی ئاسایشی نەتەوەیەکگرتووەکان دەنگی بە ڕەشنووسی بڕیارنامەی ئەمەریکا دا بۆ هەڵوەشاندنەوەی سزا نێودەوڵەتییەکانی سەر ئەحمەد شەرع کە بڕیارە هەفتەی داهاتوو سەردانی ئەمریکا بکات و لە کۆشکی سپی لەگەڵ دۆناڵد ترەمپی سەرۆکی ئەمریکا کۆ ببێتەوە.

کاردانەوە و لێکەوتەکان: پەیوەست بە لادانی سزاکان، وەزارەتی دەرەوەی سووریا لە بەیاننامەیەکدا سوپاس و پێزانینی خۆی بۆ واشنتن دەربڕی.

ئەمەش بزانە: سزاکان بە 14 دەنگی بەڵێ لە کۆی 15 ئەندام لابران و دەنگەکەی دیکە دەنگی چین بوو کە خۆی لە دەنگدان پاراست.