بەهۆی داخستنی حکومەتەوە بە دەیان گەشتی ئاسمانی لە ئەمریکا دواخراون

ئاڤا نیوز

چەندین فڕۆکەخانەی گەورەی ئەمریکا بەهۆی کەمکردنەوەی 4%ـی گەشتەکان و کەمی کارمەندەوە گەشتەکانیان دواکەوتوون یان هەڵوەشاونەتەوە، ئەمەش کاریگەری لەسەر کەرتی گەشتیاری ئەمریکا دروست کردووە.

ڕاگەیێنراوی فەرمی: بەڕێوەبەرایەتی فڕۆکەوانی فیدراڵی ئەمریکا ڕایگەیاند، بەهۆی کەمی کارمەندەوە گەشتە ئاسمانییەکانی لە سێ فڕۆکەخانەی گەورەی شاری نیویۆرک دواخراون.

زانیاریی زیاتر: بۆ کەمکردنەوەی 4%ـی گەشتەکانی 40 فڕۆکەخانەی گەورەی ئەمریکا، کۆمپانیا گەورەکانی گواستنەوەی ئەمریکی ئەمڕۆ ناچاربوون ژمارەیەک لە گەشتەکانیان هەڵبوەشێننەوە.

بەپێی داتاکان لە نێوان ڕۆژی هەینی بۆ ڕۆژی یەکشەممە، هەزار و 700 گەشتی ئاسمانی هەڵوەشێندراونەتەوە.

ئەوەی پێویستە بیزانیت: بەهۆی پەسەندنەکردنی پڕۆژەیاسایی بودجەی ساڵی 2026ـی ئەمریکا لەلایەن کۆنگرێسی ئەو وڵاتە، ئیدارەی ترەمپ ناتوانێت مووچەی کارمەندانی دابین بکات، ئەمەش گرفتی بۆ زۆربەی سێکتەرەکان دروست کردووە.