لە قەرەهەنجیر گرفت بۆ پڕۆسەی دەنگدانی تایبەت دروستبووە

ئاڤا نیوز

لە یەکێک لە بنکەکانی دەنگدانی قەرەهەنجیر بەهۆی زۆری ژمارەی دەنگدەرانەوە گرفت دروستبووە و دەرگای بنکەکە بەڕووی هێزە ئەمنییەکان داخراوە. 

چیرۆکی سەرەکی: لە کاتژمێر حەوتی بەرەبەیانی ئەمڕۆ یەکشەممەوە، هێزە ئەمنییەکانی عێراق و هەرێمی کوردستان ڕوویان لە بنکەکانی دەنگدان کردووە بۆ بەشداریی کردن لە پڕۆسەی هەڵبژاردنی خولی شەشەمی پەرلەمانی عێراق. 

زانیاریی پەیامنێر: دیار محەممەد، پەیامنێری ئاڤا لە قەرەهەنجیر ڕایگەیاند: بەهۆی دروستبوونی قەرەباڵغی و زۆری دەنگدەر لە بنکەیەکی دەنگدانی تایبەت لە قەرەهەنجیر کە قوتابخانەی سەرکانییە، گرفت دروستبووە و دەنگدەران ناتوانن بە ئاسانی دەنگ بدەن.

پەیامنێری ئاڤا باسی لەوەشكرد، تاوەکو ئێستا نەتوانراوە ئەو کێشەیە چارەسەر بکرێت، هەر بۆیە دەرگای بنکەی دەنگدان بەڕووی هێزە ئەمنییەکان داخراوە.

زانیاریی زیاتر: قوتابخانەی سەرکانی لە قەرەهەنجیر، تایبەت کراوە بە پڕۆسەی دەنگدانی تایبەت و 980 کارمەندی هێزە ئەمنییەکان دەتوانن دەنگی تێدا بدەن.