لە کەرکووک پێنج بازرگانی ماددەی هۆشبەر دەستگیر دەکرێن

ئاڤا نیوز

 

لە دوو هەڵمەتی جیادا، پێنج بازرگانی ماددەی هۆشبەر دەستگیرکران، کە یەکێکیان ڕووبەڕووی هێزە ئەمنییەکان بووەتەوە.

 

چیرۆکی سەرەکی: درەنگانی شەوی ڕابردوو، لە شەقامی عەرەفەی شاری کەرکووک تۆمەتبارێک ڕووبەڕووی پۆلیسی نە‌هێشتنی ماددە هۆشبەرەکان دەبێتەوە و دواتر بە برینداری دەستگیر دەکرێت.

 

لێدوانی فەرمی: "تۆمەتبارەکە بە برینداری گواستراوەتەوە بۆ نەخۆشخانە و دۆسیەکەشی لەلای پۆلیسی نەهێشتنی ماددە هۆشبەرەکانە."
عامر نووری، گوتەبێژی پۆلیسی کەرکووک وای بە ئاڤا نیوز گوت.

 

لەلایەکی دیکەوە: ئەحمەد عەبدوڵڵا، پەیامنێری ئاڤا نیوز لە کەرکووک ڕایگەیاند، شەوی ڕابردوو باندێکی چوار کەسی کە لە سێ پیاو و ژنێک پێکهاتوون، بە بڕێک ماددەی هۆشبەرەوە دەستگیرکراون.