ڕوونکردنەوەیەک لە وەزارەتی پەروەردە لەبارەی پشووی ئەم هەفتەیە

ئاڤا نیوز

وتەبێژی وەزارەتی پەروەردە لەڕێگەی ئاڤاوە لەبارەی پشووی ئەم هەفتەیە ڕوونکردنەوە دەدات و دەڵێت: تەنها سبەی چوارشەممە پشووی فەرمییە، هەموو ئەو هەواڵانە ڕەت دەکەینەوە کە بەناوی وەزارەتەکەمان بڵاوکراوەتەوە. 

چیرۆکی سەرەکی: ئەمڕۆ سێشەممە پرۆسەی دەنگدانی گشتی لە تەواوی پارێزگاکانی عێراق بەڕێوەچوو، بەهۆی ئەوەی پرۆسەکە بەردەوامە و ناوەندەکانی خوێندن کراون بە بنکەی دەنگدان، حکومەتی عێراق پێشتر پشووی فەرمی ڕاگەیاند، دواتریش حکومەتی هەرێمی کوردستان هاوشێوەی عێراق سبەی کردە پشوو، بەڵام لە چەند پەیج و میدیایەک وابڵاوکرایەوە کە پشووی وەزارەتی پەروەردە دوو ڕۆژە.  


لێدوانی فەرمی: سامان سیوەیلی، وتەبێژی وەزارەتی پەروەردەی حکومەتی هەرێمی کوردستان بە ئاڤای ڕاگەیاند: لە چەند پەیچ و میدیایەک وابڵاوکراوەتەوە کە پشووی فەرمی ئەم هەفتەیە ڕۆژی چوارشەممە و پێنجشەممەیە، سەرجەم ئەو هەواڵانە ڕەت دەکەینەوە و تەنها سبەی چوارشەممە پشووی فەرمییە. 

لەلایەکی دیکەوە: پێشتر سەرچاوەیەک لە ئەنجوومەنی وەزیرانی هەرێمی کوردستان بە ئاڤای ڕاگەیاند: بەهۆی ئەوەی بەشێک لە هاووڵاتییانی ناوچە کوردستانییەکانی دەرەوەی ئیدارەی هەرێمی کوردستان گەڕاونەتەوە ناوچەکانیان و ناتوانن بگەڕێنەوە، هاوکات بۆ دابینکردنی ئاسنکاری زیاتر بۆ تەواوکردنی کارەکانی کۆمیسیۆنی باڵای سەربەخۆی هەڵبژاردنەکان سبەی چوارشەممە پشووی فەرمی دەبێت.