پلەبەرزکردنەوە فەرمانبەرانی گرێبەست و بەشێکی خانەنشینانیش دەگرێتەوە

ئاڤا نیوز 

 

دوای هەشت ساڵ جارێکی دیکە پلەبەرزکردنەوەی فەرمانبەران دەستپێدەکاتەوە، تەنانەت فەرمانبەرانی گرێبەست و بەشێکی خانەنشینانیش دەگرێتەوە. 

 

وێنە گەورەکە: بەهۆی سەرهەڵدانی شەڕی داعش و قەیرانی دارایی، هەشت ساڵە پلەبەرزکردنەوەی فەرمانبەران ڕاگیراوە و تاوەکو ئێستا ساڵانە تەنیا سەرمووچەیان بۆ دەبەسترا.

ئەوەی پێویستە بیزانیت: ژمارەی فەرمانبەرانی مەدەنی و مامۆستایان (415 هەزار و 879) کەسە و پلەبەرزکردنەوە سەرجەمیان دەگرێتەوە، جگە لەمان 81 هەزار مووچەخۆری دیکەش دەگرێتەوە، کە نزیکەی 50 هەزاریان خانەنشین و 31 هەزار و 698 مووچەخۆریش فەرمانبەر و مامۆستای گرێبەستن.

زانیاریی زیاتر: ئەو خانەنشینانەی پلەبەرزکردنەوە دەیانگرێتەوە ئەو فەرمانبەرانن لە ساڵانی 2016 - 2024  خانەنشین کراون بێ ئەوەی پلەبەرزکردنەوەیان بۆ بکرێت، لەگەڵ ئەو فەرمانبەر و مامۆستا گرێبەستانەی کراون بە هەمیشەیی، ماوەی خزمەتی گرێبەستیان بۆ  هەژمار دەکرێت.

لێدوانی فەرمی: مەولوود سابیر، بەڕێوەبەری گشتیی بانکە بازرگانییەکان بە ئاڤا نیوزی گوت: "پلەبەرزکردنەوەی فەرمانبەرانی شارستانی دەستیپێکردووە و مانگێکی دیکە تەواو دەبێت، دوای ئەمان خانەنشینان و پاشان گرێبەستەکان پلەیان بەرزدەکرێتەوە". .