دوای شەڕەقسەیەکی زۆر: ترەمپ و سەرۆک شارەوانییە موسڵمانەکەی نیویۆرک ستایشی یەکتر دەکەن

ئاڤا نیوز

 

سەرەڕای دەستپێکردنی پەیوەندییەکانیان بە گرژیی، بەڵام دواجار لە کۆشکی سپی سەرۆکی ئەمریکا پێشوازی لە زۆهران مەمدانی، سەرۆک شارەوانیی نوێی نیۆیۆرک کرد و لاپەڕەیەکی نوێی بۆ پەیوەندییەکانیان هەڵدایەوە.

 
چیرۆکی سەرەکی؛ ڕۆژی هەینی دۆناڵد ترەمپ، سەرۆکی ئەمریکا بە گەرمی بەخێرهاتنی زۆهران مەمدانی، سەرۆک شارەوانیی هەڵبژێردراوی شاری نیویۆرکی کرد بۆ کۆشکی سپی و ستایشی دەستکەوتەکانی لە هەڵبژاردنەکاندا کرد.

 

لێدوانی فەرمی: دۆناڵد ترەمپ، سەرۆکی ئەمریکا لە وەڵامی پرسیارێکی ڕۆژنامەنووسێک کە- "ئایا هەست بە ئاسوودەیی دەکات ئەگەر لە نیویۆرک لە ژێر ئیدارەی مەمدانیدا بژیت"- لە وەڵامدا ترەمپ وتی، "بەڵێ بەڕاستی ئەو هەستەم دەکرد".

مەمدانی و ترەمپ کە لە ئۆڤڵ ئۆفیس قسەیان بۆ ڕۆژنامەنووسان دەکرد، ترەمپ وتی، ئێمە لەسەر زۆر زیاتر هاوڕابووین لەوەی کە بیرم لێدەکردەوە، من دەمەوێت کارێکی نایاب بکات، ئێمە یارمەتی دەدەین کارێکی نایاب بکات، سەرەڕای بوونی جیاوازی لە بیروڕاکانمان.

 

دوای ترەمپ، مەمدانی لەبارەی کۆبوونەوەکە قسەی کرد، مەمدانی کە بووەتە یەکەم موسڵمان پۆستی سەرۆک شارەوانی نیویۆرک وەربگرێت، گوتی "کۆبوونەوەیەکی بەرهەمدارمان ئەنجامدا کە تیشکی خستە سەر شاری نیویۆرک، هاوکات لەسەر پێویستی دابینکردنی ژیانێکی گونجاو بۆ دانیشتووانەکەی هەوڵەکانمان دەخەینە گەڕ".