گەشتوگوزاری سۆران: ئامادەکاریمان کردووە بۆ هاتنی گەشتیاران

ئاڤا نیوز 

بەڕێوەبەرایەتی گەشتوگوزاری سۆران ڕایگەیاند، ئامادەکاری تەواو کراوە لە جەژنی ڕەمەزاندا پێشوازی؛لە گەشتیاران بکەن، پێشبینیدەکرێت ڕێژەیەکی زۆری گەشتیار سەردانی سۆران بکەن.

بۆچی گرنگە: چاوەرواندەکرێت ئەم ساڵ ڕێژەیەکی زۆری گەشتیاران سەردانی شوێنە گەشتیارییەکانی ئیدارەی سەربەخۆی سۆران بکەن ئەمەش دەبێتەهۆی بوژانەوەی بازاڕ.

لێدوانی فەرمی: د. فەیسەڵ سادق، بەرێوەبەری گشتی گەشتوگوزاری ئیدارەی سەربەخۆی سۆران بە ئاڤا نیوزی ڕاگەیاند: تەواوی ناوچە گەشتیارییەکان بە ڕووی گەشتیاران کراونەتەوە و لە بەڕێوبەرایەتیەکان ليژنەی پێشوازی لە گەشتیاران پێکهێنراوە، هەروها باشبوونی ڕەوشی دارایی هاووڵاتیانی هەرێم دوای هەوڵی سەرۆکوەزیران بارزانی و چارەسەرکردنی کێشەی مووچە کە کاریگەری زۆر ئەرێنی هەبوو، دەبێتە هۆی ئەوەی کە ڕیژەیەکی زۆری گەشتیاران سەردانی شوێنە گەشتیاریەکان بکەن و کەرتی گەشتیاری ببوژێتەوە".

زانیاریی زیاتر: ناوچە گەشتیاريەکانی سۆران لە ڕۆژانی دووەم و سێیەمی جەژن ئاهەنگی خێزانی ئەنجام دەدەن، بەڕێوەبەرایەتی گەشت و گوزاری سۆرانیش هەماهەنگی لەگەڵ کردوون بۆ داشکاندنی تەواو لە نرخەکانیان لە پێناو ئەوەی ڕێژەیەکی زۆر گەشتیاران بتوانن سودی لێ ببین.