وه‌زاره‌تی په‌روه‌رده‌ به‌ پاڵپشتی کوردستان فاونده‌یشن پلاتفۆرمی "ئی هەڵسەنگاندن"ـی ڕا‌گه‌یاند

ئاڤا نیوز

وه‌زاره‌تی په‌روه‌ردەی حکومەتی هەرێمی کوردستان به‌ پشتگیریی کوردستان فاونده‌یشن پلاتفۆرمی "ئی هەڵسەنگاندن"ـی بە فەرمی ڕا‌گه‌یاند و ئه‌پڵیكه‌یشنه‌كە ده‌بێته‌ سیسته‌مێكی ناوه‌ندی بۆ هه‌موو قوتابخانه‌كانی كوردستان. 

 
چیرۆکی سەرەکی: ئەمڕۆ دووشەممە 24-11-2025  کوردستان فاونده‌یشن، بە هاوبەشی لەگەڵ وەزارەتی پەروەردە، پلاتفۆرمی دیجیتاڵی په‌روه‌رده‌یی "هەڵسەنگاندن"ـی بە فەرمی ڕا‌گه‌یاند و ئه‌پڵیكه‌یشنه‌كەی ڕاده‌ستی وه‌زاره‌تی په‌روه‌رده‌ كرد، کە هه‌نگاوێكی گەورەیە لە گۆڕینی سیسته‌می په‌روه‌رده‌ بۆ  بە دیجیتاڵیكردن.

لێدوانی فەرمی: ساکار عەلی، بەڕێوەبەری پەیوەندییە گشتییەکانی کوردستان فاونده‌یشن بە ئاڤا میدیای ڕاگەیاند، کوردستان فاونده‌یشن وەک بەشێک لە پابەندبوونی بە په‌ره‌پێدانی پەروەردە، بەهێزکردنی گەنجان و داهێنانی تەکنەلۆژی، پشتگیری دارایی په‌ره‌پێدان و به‌رده‌وامیی پلاتفۆرمی "ئی هەڵسەنگاندن"ـی كرد، بەهۆی ئه‌م ئه‌پڵیكه‌یشنه‌وه‌ کارگێڕی قوتابخانەکان لەڕێگەی یەک سیسته‌می دیجیتاڵی بەیەکەوە دەبەسترێنه‌وه‌، خزمەت بە زیاتر لە دوو ملیۆن بەکارهێنەر دەکات. 

خاڵە ئەرێنییەکان: "e-Halsangandn" بەرنامەیەکی مۆبایلی داهێنەرانەیە بۆ ڕێکخستنی پەیوەندی و ئه‌نجامی تاقیکردنەوەكان به‌شێوه‌یه‌كی دیجیتاڵی لەناو سیستەمی پەروەردەی کوردستان.

- زیاتر له‌ دوو ملیۆن لە قوتابی، مامۆستا، دایک و باوک لە هەرێمی کوردستان دەتوانن بەکاریبهێنن و سوودی لێوەربگرن.

- ئامانج لێی ئەنجامدانی تاقیکردنەوە دیجیتاڵییەکان و دەستڕاگەیشتنە بە ئەنجامەکان لە نێوان قوتابخانە و خێزانەکان.

- لەلایەن Softmax پەرەی پێدەدرێت کە کۆمپانیایەکی پێشەنگی تەکنەلۆژیایە و تایبەتە بە ژێرخانی پەروەردەی گشتی.