دەرفەتی دامەزراندن بۆ دەرچووانی بەشی پزیشکی دەکرێتەوە

ئاڤا نیوز

وەزارەتی تەندروستی عێراق دەرگای داواکاری بۆ دامەزراندنی دەرچووانی کۆلێژە تەکنیکییەکانی تەندرووستی و پزیشکی بۆ ساڵی خوێندنی 2023-2024 ڕاگەیاند، دەرچووانی ناوچە کوردستانییەکانی دەرەوەی ئیدارەی هەرێمی کوردستان و کەرکووکیش دەتوانن داواکاری پێشکەش بکەن. 

ڕاگەیێنراوی فەرمی: وەزارەتی تەندروستیی عێراق ڕایگەیاند: ئێستادا داواکاری تەنیا دەرچووانی تەکنەلۆژیای تەندرووستی، چارەسەری خۆراکی، چارەسەری سرووشتی دەگرێتەوە، داواکاران دەتوانن لە ڕێگەی بەستەرێکی ئەلیکترۆنیی داواکاری پێشکەش بکەن. 

زانیاریی زیاتر: وەزارەتەکە دووپاتیشی کردەوە، بەشەکانی دیکە بەپێی میکانیزمێکی ڕێکخراو یەک لە دوای یەک دەکرێنەوە بۆ دڵنیابوون لە پڕۆسەی تۆمارکردن بە ئاسانی و لەخۆگرتنی زۆرترین ژمارەی داواکاران.

بۆچی گرنگە: دەرچووانی ئەم سێ بەشە دیاریکراوە لە پارێزگاکانی کەرکووک و نەینەوا و ناوچە کوردستانییەکانی دەرەوەی ئیدارەی هەرێمی کوردستان دەتوانن لێی سوودمەندبن.

ئەوەی پێویستە بیزانیت: لە ڕێگەی ئەم بەستەرەوە داواکاریی دامەزراندن پێشکەش بکەن: بەستەری خۆتۆمارکردن