بڕیاری لەسێدارەدان بۆ بەڕێوەبەری پێشووی کشتوکاڵی بەغدا دەردەکرێت

ئاڤا نیوز

دادگەی تاوانەکانی ناوەندی لە بە‌غدا بڕیاری لە سێدارەدانی بۆ بەڕێوەبەری پێشووی بەڕێوەبەرایەتیی کشتوکاڵی کەرخ لە بەغدا دەرکرد.

چیرۆکی سەرەکی: بەرەبەیانی 27ی تەمموزی ئەمساڵ، سزادراوەکە دوای ئەوەی لە پۆستەکەی دوورخرایەوە و بەڕێوەبەرێکی دیکە لە شوێنی دانرا لەگەڵ گرووپێکی چەکدار هەڵیکوتایە سەر بەڕێوبەرایەتیی کشتوکاڵی کەرخ و پێکدادان لەگەڵ هێزە ئەمنییەکان ڕووی دا کە بووە هۆی کوژرانی سەربازێکی ئەمنی و هاوڵاتییەک و برینداربوونی چەند کەسێکی دیکە.

ڕاگەیێنراوی فەرمی: دادگەی تاوانەکانی ناوەندی ڕایگەیاند: حوکمی لەسێدارەدانەکە بەپێی بڕگەی یەکی ماددەی چوار و بڕگەکانی 1،3 و 5ی ماددەی دووی یاسای بەرەنگاربوونەوەی تیرۆر، ژمارە 13ی ساڵی 2005دا دراوە.

زانیاریی زیاتر: ئەوکات، سەباح نوعمان، وتەبێژی فەرماندەی گشتی هێزە چەکدارەکانی عێراق ڕایگەیاندبوو کە “ئەو چەکدارانەی کە ئەم پێشێلکارییەیان ئەنجامداوە سەر بە گرووپی حیزبوڵڵان و  سەر بە لیواکانی 45 و 46ی هێزەکانی حەشدی شەعبین".

ئەوەی پێویستە بیزانیت: دوای لێکۆڵینەوە، فەرماندەیی ئۆپەراسیۆنە هاوبەشەکان دەستگیرکردنی 14 تۆمەتبار سەر بەو دوو لیوایەی حەشدی شەعبی ڕاگەیاند.