سەرۆکی شارەوانی سلێمانی هۆکاری دواکەوتنی دابەشکردنی زەوی ئاشکرا دەکات

ئاڤا نیوز

بەراورد بە هەولێر، پرۆسەی دابەشکردنی زەوی بەسەر فەرمانبەران لە سلێمانی سستە، سەرۆکی شارەوانی هۆکارەکەی بۆ کەمی ستاف لە سنووری بەڕێوەبەرایەتییەکەی دەگەڕێنێتەوە.

وێنە گەورەکە: ئەنجوومەنی وەزیران ڕەزامەندی لەسەر 130 هەزار فۆڕمی زەوی داوە، بۆ ئەوەی لە سنووری سلێمانی زەوی وەرگرن، تاوەکو ئێستا تیروپشک بۆ دابەشکردنی نزیکەی 20 هەزار کەس کردووە.

لێدوانی فەرمی: لەیلا عومەر، سەرۆکی شارەوانی سلێمانی لە کۆنگرەیەکی ڕۆژنامەوانیدا گوتی، "سستی پرۆسەکە بۆ کەمی ستاف لە سنووری بەڕێوەبەرایەتییەکەمان دەگەڕێتەوە، چونکە دانانی نەخشەی ئاوەدانی و جیاکردنەوەیان پێویستی بەستافە، تەنیا ئەمساڵ 550 فەرمانبەرمان خانەنشین بوون و شوێنی پڕنەکراوەتەوە."

ئەمەش بزانە: تاوەکو ئێستا 55 هەزار و 600 کەس تیروپشکی دابەشکردنی زەوییان بۆ کراوە، کە 19.5 هەزاریان لەسنووری پارێزگای سلێمانی بووە.