سەرۆکوەزیران مەسرور بارزانی: هەلومەرجێکی نوێ بۆ پێکهێنانی کابینەی دەیەم هاتووەتە ئاراوە

ئاڤا نیوز

مەسرور بارزانی لەگەڵ باڵیۆزی فەرەنسا لە عێراق، تاوتوێی پێکهێنانی حکومەتی عێراق و کابینەی نوێی حکومەتی هەرێمی کوردستان دەکات.

چیرۆکی سەرەکی: ئەمڕۆ سێشەممە سەرۆکوەزیران مەسرور بارزانی، پێشوازی لە  پاتریک دۆرێل باڵیۆزی فەرەنسا لە عێراق کرد و لەبارەی چەند پرسێکی تایبەت گفتوگۆیان ئەنجام دا. 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان ڕایگەیاند: لە کۆبوونەوەکەدا گفتوگۆ لەبارەی دۆخی عێراق بەشێوەی گشتیی کراوە دوای بەڕێوەچوونی هەڵبژاردنی خولی شەشەمی پەرلەمانی عێراق، هەروەها هەوڵەکان بۆ پێکهێنانی کابینەی نوێ حکومەتی عێراق. 

هەر لە ڕاگەیێنراوەکە دا هاتووە، گفتوگۆ لەبارەی پێکهێنانی کابینەی دەیەمی حکومەتی هەرێمی کوردستانیش کراوە و سەرۆکوەزیران جەختی لەوەکردووەتەوە کە هەلومەرجێکی نوێ بۆ پێکهێنانی کابینەی نوێی حکومەتی هەرێم هاتووەتە ئاراوە.