ئاڤای خەڵک؛ ڕێڕەوێکی ئاو لە ناحیەی کۆڕی مەترسیی دروستبوونی لافاوی لێدەکرێت

ئاڤا نیوز

لە گەڕەکی بەربیان لە ناحیەی کۆڕی ڕێڕەوێکی ئاو بەناو بەشێک لە ماڵەکاندا دەڕوات و مەترسی دروستبوونی لافاوی لێ دەکرێت.

بەدواداچوونی ئاڤا: سامان ئەبوبەکر، دانیشتوویەکی گەڕەکەکەیە دەڵێت، هەموو بارانبارنێک خەممان لێ دێت، لە ترسی لافاو شەو خەومان لێ ناکەوێت، ئاوی بەشێکی زۆری ناحیەکە لەم ڕێڕەوە ئاویەوە تێدەپەڕێت، بۆیە کاتێک بارانێکی بەخوڕ دەبارێت ئاو دێتە ماڵەکانمانەوە و جاری واش هەیە بەهۆی گیرانی ڕێڕەوە ئاوییەکانی دیکە لافاو دروست دەبێت.

لێدوانی فەرمی: شوکر عەبدولخالق، بەڕێوەبەری شارەوانی کۆرێ بە ئاڤای ڕاگەیاند، ئاگاداری کێشەکەین، نووسرامان بەرزکردووەتەوە و دەرخستەشی بۆ کراوە، بەهۆی کێشەی دارایی نەمانتوانیە تاوەکو ئێستا جێبەجی بکەین.

 شوکر عەبدولخالق باسی لەوەشکرد، لەماوەیەکی نزیکدا دەست بە پڕۆژەیەک دەکەین و کێشەی گەڕەکەکە چارەسەر دەکەین.