کۆمیسیۆن کاندیدێکی دەرچووی پەرلەمانی دوور خستەوە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق بڕیاری دا پەسەندکردنی سەرکەوتنی موهەنەد خەزرەجی بۆ پەرلەمان کە سەر بە "ڕێکخراوی بەدر"ـە هەڵبوەشێنێتەوە.

 

چیرۆکی سەرەکی: پێشتر ژمارەیەک هاووڵاتی لە بەغدا سکاڵایان لە کۆمیسیۆن دژی موهەنەد خەزرەجی تۆمار کردبوو و تۆمەتباریان کردبوو بەوەی نزیکەی هەزار و 500 گەنجی لەسەر لیوایەکی (وەهمی) حەشدی شەعبی دامەزراندووە.

 

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: "بەهۆی پێشێلکردنی بڕگەکانی  ماددەی حەوتی یاسای هەڵبژاردنی پەرلەمان پەیوەست بە بوونی مەرجی ناوبانگ و هەڵسوکەوتی باش، پەسەندکردنی کاندیدبوونی موهەنەد جەبار عەزاب سالم خەزرەجی لەناو حیزبی سیاسی (ڕێکخراوی بەدر) لە پارێزگاری بەغدا هەڵوەشایەوە".

 

ئەوەی پێویستە بیزانیت: کۆمیسیۆنی باڵای سەربەخۆی هەڵبژاردنەکان دووپاتی کردەوە، ئەو دەنگانەی ناوبراو بەدەستیهێناوە لادەبرێن.