بەرپرسێكی باڵای ئەمریکا دێتە هەولێر و باڵەخانەی نوێی کۆنسوڵخانەی ئەمریکا دەکاتەوە

ئاڤا نیوز

 

جێگری وەزیری دەرەوەی ئەمریکا بۆ کاروباری بەڕێوەبردن و سەرچاوەکان، لە نێوان ڕۆژانی 27-11-2025 بۆ 5-12-2025 سەردانی هەر یەکە لە تورکیا، عێراق و ئیسرائیل دەکات. لە عێراقیش سەردانی هەریەکە لە بەغدا و هەولێر دەکات.

 

ڕاگەیێنراوی فەرمی: وەزارەتی دەرەوەی ئەمریکا ڕایگەیاند سەردانەکەی 'مایکڵ ڕیگاس' جەختکردنەوەی ئەمریکایە بە پابەندییەوە بۆ باشترکردنی سەقامگیری، ئاسایش، ئازادیی ئایینی و گەشەکردوویی ناوچەکە.

 

زانیاریی زیاتر: ڕیگاس لە عێراق لەگەڵ بەرپرسانی عێراق کۆدەبێتەوە و لە هەولێریش باڵەخانەی نوێی کۆنسوڵخانەی ئەمریکا دەکاتەوە کە بە گەورەترین کۆنسوڵخانەی ئەمریکا لە تەواوی جیهان دادەنرێت.