ویتکۆف بۆ ڕاوێژکارێکی پووتین: ستایشی ترەمپ بکەن و بە پیاوی ئاشتی ناوی ببەن

ئاڤا نیوز

گفتوگۆیەکی نێوان ستیڤ ویتکۆف، نێردەی تایبەتی سەرۆکی ئەمریکا و یوری ئوشاکۆڤ، ڕاوێژکاری باڵای پووتین، سەبارەت بە پلانی ئاشتیی ئۆکرانیا، دزەی پێدەکرێت.

زانیاریی بەدەستهاتوو: بەگوێرەی پەیوەندییە دزەپێکراوەکە، کە ڕۆژی 14-10-2025 ئەنجام دراوە، ویتکۆف سەبارەت بە چۆنیەتی بەدەستهێنانی پشتیوانی ترەمپ ئامۆژگاری لایەنی ڕووسیا دەکات کە لە گفتوگۆکانیاندا تۆنێکی ستایشکردن بەرامبەر سەرۆکی ئەمریکا بەکاربهێنن. هەروەها، پێشنیازی کردووە کە بەرپرسانی ڕووسیا پیرۆزبایی لە سەرۆکی ئەمریکا بکەن لەسەر ڕێککەوتنی غەززە و بە 'پیاوی ئاشتی' ناوی ببەن.

زانیاریی زیاتر: ئوشاکۆڤ، ڕاوێژکارەی باڵای پووتین ئاماژەی بەوەداوە کە ڤلادیمێر پووتین دۆناڵد ترەمپ بە "پیاوێکی ڕاستەقینەی ئاشتی" وەسف دەکات و بە دۆناڵد ترەمپی وتووە ڕووسیا هەمیشە خوازیاری ڕێککەوتنی ئاشتی بووە.

ئەمەش بزانە: ویتکۆف لە پلانە 28 خاڵییەکەی ترەمپ بۆ ئاشتیی ئۆکرانیا و پلانە 20 خاڵییەکەی بۆ ئاشتیی غەززە ڕۆڵێکی گەورەی هەبووە.