ئاڤای خەڵک؛ گەڕەکی شەهیدانی ناحیەی کەورگۆسک لە هەولێر چەندین کێشەیان هەیە

ئاڤا نیوز

گەڕەکی شەهیدانی ناحیەی کەورگۆسک لە هەولێر، کێشەی نەبوونی ئاوەڕۆ و ئاوی پاکی خواردنەوە و قیر و کۆنکرێتی کۆڵانەکانیان هەیە.

زانیاریی بەدەستهاتوو: جەرجیس محەممەد، دانیشتوویەکی گەڕەکەکەیە، بە ئاڤای وت، نزیکەی 300 ماڵ لەم گەڕەکەدا دەژین، بێ خزمەتگوزارین و لە هەموو ڕوویەکەوە پشتگوێ خراوین، داواکارین ئاوڕێکمان لێ بدەنەوە.

لێدوانی فەرمی: حەیات زراری، بەڕێوەبەری ناحیەی کەورگۆسک بە ئاڤای وت، بۆ پڕۆژەکانی ئاوەڕۆ و چاککردنی شەقام و کۆڵانەکان 80 ملیۆن دینار تەرخانکراوە و لەم یەک دوو هەفتەیەدا دەست بە کارەکان دەکەین. لەگەڵ تەواوبوونی پڕۆژەی ئاوی قەزای خەبات، کێشەی کەمئاوییەکەشیان چارەسەر دەکەین.