کارەبای 24 کاتژمێری بۆ پێنج کاتژمێر کەم دەبێتەوە

ئاڤا نیوز

بەهۆی هێرشەکەی سەر کێڵگەی غازی کۆڕمۆڕ لە 80%ـی کارەبای هەرێمی کوردستان کەم بووەتەوە، لە 24 کاژمێر کارەبای ڕۆژانە تەنیا پێنج کاتژمێر کارەبا بە هاونیشتمانیان دەدرێت.

چیرۆکی سەرەکی: کاتژمێر 11:30ـی شەوی ڕابردوو، هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرتوو و زیانی زۆری بەرکەوتووە، بەهۆیەوە بەرهەمهێنانی غاز لە کێڵگەکە وەستاوە.

زانیاریی بەدەستهاتوو: بەهۆی هێرشەکەی سەر کێڵگەی کۆرمۆر، بەرهەمهێنانی کارەبا لە چوار هەزار مێگاواتەوە بۆ هەزار مێگاوات دابەزیوە و بەوهۆیە پێدانی کارەبای 24 کاتژمێریی بۆ پێنج کاتژمێر کەم دەبێتەوە.

لەلایەکی دیکەوە: کۆمپانیای دانەغاز لە ڕاگەیێنراوێکدا، جەخت لەوە دەکاتەوە کە هیچ زیانێکی گیانی بە کارمەندەکان نەگەیشتووە. بەڵام بۆ کۆنترۆڵکردنی ئاگرەکە و هەڵسەنگاندنی زیانەکان بەرهەمهێنان ڕاگیراوە.