ڕاگەیێنراوێکی خێرا لە داناغازەوە لەبارەی هێرشکردنە سەر کێڵگەی کۆرمۆر

ئاڤا نیوز

کۆمپانیای دانەغاز ڕایدەگەیێنێت، یەکێک لە کۆگاکانی عەمبارکردنی کێڵگەی کۆرمۆر لە هەرێمی کوردستان هێرشی مووشەکی کرایەسەر.

 

چیرۆکی سەرەکی: کاتژمێر 11:30 خولەکی شەوی چوارشەممە هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرتوو و هەناردەی غاز بۆ وێستگەکانی کارەبا ڕاگیرا، دوای ڕووداوەکەش وەزارەرتی کارەبا بڵاوی کردەوە بەهۆی هێرشەکەوە ئاستی بەرهەمهێنانی کارەبا کەم دەبێتەوە.

 

ڕاگەیێنراوی فەرمی: کۆمپانیای دانەغاز لە ڕاگەیێنراوێکدا، جەخت لەوە دەکاتەوە کە هیچ زیانێکی گیانی بە کارمەندەکان نەگەیشتووە. بەڵام بەرهەمهێنان ڕاگیراوە بۆ کۆنترۆڵکردنی ئاگرەکە و هەڵسەنگاندنی زیانەکان. کۆمپانیاکە لەگەڵ دەسەڵاتدارانی خۆجێی بەردەوامە لە هەماهەنگی لەبارەی ڕووداوەکە.