کارەبای عێراق بۆ ئاڤا: بەهۆی هێرشەکەی سەر کۆرمۆر 1200 مێگاوات کارەبامان کەمیکردووە

ئاڤا نیوز

وەزارەتی کارەبای عێراق ڕایگەیاند، بەهۆی هێرشەکەی سەر کێڵگەی کۆرمۆر، 1200 مێگاوات کارەبایان کەمیکردووە و لە ئەنجامیشدا کاتژمێرەکانی پێدانی کارەبا بە پارێزگاکانی نەینەوا، کەرکووک و سەڵاحەددین کەمیکردووە.

چیرۆکی سەرەکی: شەوی ڕابردوو هێرشکرایە سەر کێڵگەی غازی کۆرمۆر لە سنووری قەزای چەمچەماڵ و لە ئەنجامدا ئاگرێکی گەورە لە کۆگایەکی غاز کەوتەوە، هێرشەکە هەرچەندە زیانی گیانی نەبوو، بەڵام بەهۆیەوە بەرهەمهێنانی کارەبای هەرێمی کوردستان بەڕێژەی 80% کەم بووەتەوە.

لێدوانی فەرمی: ئەحمەد موسا، وتەبێژی وەزارەتی کارەبای عێراق بە ئاڤای ڕاگەیاند، وەزارەتەکەیان بەهۆی هێرشەکەی سەر کێڵگەی کۆرمۆر 1200 مێگاوات کارەبای لەدەستداوە، کە دەدرا بە پارێزگاکانی نەینەوا، کەرکووک و سەڵاحەددین.