وەزارەتەکانی کارەبا و سامانە سرووشتییەکان لەبارەی ڕووداوەکەی کۆرمۆر لە کۆبوونەوەدان

ئاڤا نیوز

هەردوو وەزارەتی کارەبا و سامانە سرووشتییەکانی هەرێمی کوردستان لە کۆبوونەوەدان، زیانەکانی سەر کێڵگەی کۆرمۆر دەخەمڵێنن و هەوڵ بۆ ئەوەیە بە زووترین کات بەرهەمی غاز دەستپێبکاتەوە.

چیرۆکی سەرەکی: کاتژمێر 11:30 خولەکی شەوی چوارشەممە هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرتوو و هەناردەی غاز بۆ وێستگەکانی کارەبا ڕاگیرا، دوای ڕووداوەکەش وەزارەرتی کارەبا بڵاوی کردەوە بەهۆی هێرشەکەوە ئاستی بەرهەمهێنانی کارەبا کەم دەبێتەوە.

زانیاریی تایبەت: سەرچاوەیەک لە وەزارەتی کارەبا بە ئاڤای گوت، "هەردوو وەزارەتی کارەبا و سامانە سرووشتییەکانی هەرێمی کوردستان لەبارەی ڕوووداوی هێرشەکەی کۆرمۆر لە کۆبوونەوەدان، تاوتوێی دۆخی کارەبا دەکەن کە بەهۆی هێرشەکەی شەوی ڕابردوو زیانی زۆری لە بەرهەمهێنانی کارەبا داوە، پێدانی کاتژمێرەکانی کارەبا بەشێوەیەکی بەرچاو کەمبووەتەوە."

زانیاریی زیاتر: لە کۆبوونەوەی نێوان هەردوو وەزارەت، زیانەکان دەخەمڵێنرێت و هەوڵ بۆ دەستپێکردنەوەی بەرهەمی کێڵگەکە کارا دەدرێت.