ئوسترالیا سوپای پاسداران دەخاتە لیستی تیرۆرە

ئاڤا نیوز

 

ئەمڕۆ پێنجشەممە وەزارەتی دەرەوەی ئوسترالیا، سوپای پاسدارانی ئێرانـی خستە لیستی تیرۆرەوە و  وەک پاڵپشتیکاری "تیرۆر" پێناسەی دەکات. داواشی لە باڵیۆزی ئێران کردووە ئوسترالیا جێبهێڵێت.

 

هۆکارە زانراوەکان: ئوسترالیا ئێران بەوە تۆمەتبار دەکات کە دوو هێرشی دژی جووەکان لە شارەکانی سیدنی و ماڵبۆرن لە وڵاتەکەی لە مانگی ئابی ڕابردووە ڕێکخستووە.

 

لێدوانی فەرمی: پێنی هۆنگ، وەزیری دەرەوەی ئوسترالیا ڕایگەیاند، وڵاتەکەی سوپای پاسدارانی ئێرانی خستە لیستی تیرۆرەوە و وەک پاڵپشتیکاری تیرۆر پێناسە دەکرێت، ئەمەش بەگوێرەی هەڵسەنگاندنە هەواڵگرییەکان کە دەریخستووە سوپای پاسداران پلانی هێرشکردنە سەر جووەکان لە ئوستڕالیا دادەڕێژێت. 

 

لەلایەکی دیکە: لەسەر هەمان پرس تۆنی بێرک، وەزیری ناوخۆی وڵاتەکە دەڵێت، سوپای پاسداران خراوەتە لیستەکەوە بەهۆی ئەوەی پێیوستە ئوسترالییەکان هەست بە سەلامەتی بکەن. 

 

ئەوەی پێویستە بیزانیت: هەر لەم چوارچێوەیەدا حکومەتی ئوسترالیا ماوەی حەوت ڕۆژی وەک مۆڵەت بە باڵیۆزی تاران داوە بۆ ئەوەی وڵاتەکەی بەجێبهێڵێت.