عەلی حەمە ساڵح دوای هێرشەکەی کۆرمۆر: نابێت دڵخۆشبین بە هێرشی تاوانکاری بۆ سەر کوردستان

ئاڤا نیوز

بڕیاردەری ڕەوتی هەڵوێست لەبارەی هێرشەکەی سەر کێڵگەی  کۆرمۆر دەڵێت، نابێت دڵخۆشبین بە هێرشی تاوانکاری بۆ سەر هەرێمی کوردستان و لێدان لە گرنگترین سێکتەری.

 

چیرۆکی سەرەکی: کاتژمێر 11:30ـی شەوی ڕابردوو، هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرتوو و هەناردەی غاز بۆ وێستگەکانی کارەبا ڕاگیرا، هاوکات ئاستی بەرهەمهێنانی کارەبا کەمبووەتەوە و زیانی زۆر بەر کێڵگەکە کەوتووە.

 

پەیامی فەرمی: عەلی حەمە ساڵح، بڕیاردەری ڕەوتی هەڵوێست پەیامێکی بڵاوکردووەتەوە و ئاماژە بەوەدەدات، کە پێویستە نوسراو بۆ حوکمەتی عێراق بکرێت، بۆ وەرگرتنی ڕەزامەندی بۆ دانانی سیستمی بەرگری لە کێڵگەی کۆرۆمۆر. دەشڵێت، ئەوە هێرشەی کراوە تیرۆرستی و تاوانکاریە.

 

لەلایەکی دیکە: لە بەشێکی دیکەی پەیامەکەی بڕیاردەری ڕەوتی هەڵوێست ڕۆشنایی خستووەتە سەر ئەوەی ئێستا جگە لە هەرێمی کوردستان ڕۆژانە نزیکەی هەزار و 700 مێگاوات کارەبا لە هەرێمی کوردستان دەدرێتە شارەکانی دیکەی عێراق بە فرۆشتن. هاوکات بڕیارە ساڵی ئایندە بەرهەمی غازی کۆرمۆر بەڕێژەی 50٪ زیاد بکات و کاریگەری لەسەر زیادبوونی نزیکەی دوو هەزار مێگاوات کارەبای دیکە دەبێت؛ بۆیە دورنییە بە ئامانجگرتن زیاتر ڕووبدات.