سەرۆکایەتیی کۆماری عێراق هێرشەکەی سەر کێڵگەی کۆرمۆر سەرکۆنە دەکات

ئاڤا نیوز

سەرۆکایەتیی کۆماری عێراق بە تووندی سەرکۆنەی ئەو هێرشە دەکات کە کرایە سەر کێڵگەی گازی کۆرمۆر لە پارێزگای سلێمانی و بە هەوڵێکی شکستخواردوو ناوی دەبات.

 
چیرۆکی سەرەکی:  درەنگانی شەوی چوارشەممەی ڕابردوو 26-11-2025 هێرش کرایە سەر کێڵگەی غازی کۆرمۆر لە سنووری قەزای چەمچەماڵ و لە ئەنجامدا ئاگرێکی گەورە لە کۆگایەکی غاز کەوتەوە، هێرشەکە هەرچەندە زیانی گیانی نەبوو، بەڵام بەهۆیەوە هەناردەی غاز بۆ وێستگەکانی کارەبا ڕاگیرا و ئاستی بەرهەمهێنانی کارەبا بەڕێژەی 80% کەم کرایەوە.

لێدوانی فەرمی: لە ڕاگەیەندراوێکدا سەرۆکایەتیی کۆماری عێراق هێرشەکەی سەر کێڵگەی گازی کۆرمۆری بە تاوانێکی قێزەون و هەوڵێکی شکستخواردوو بۆ بەئامانجگرتنی ئەو ئاسایش و سەقامگیرییەی لە وڵاتدا بەدیهاتووە ناو برد.

زانیاریی زیاتر: سەرۆکایەتیی کۆمار جەختیشی لەسەر پێویستیی دەستپێکردنی لێکۆڵینەوەیەکی گشتگیر و جددی بۆ ئاشکراکردنی وردەکاری و ئەنجامدەرانی ئەو هێرشە کردەوە و داوای لە سەرجەم هێزە سیاسییەکان کرد ڕیزەکانیان یەکبخەن و پێکەوە کار بۆ بەرژەوەندییە باڵاکانی وڵات بکەن، تاوەکو رێگە لە هەر هەوڵێک بۆ دروستکردنی تووندوتیژی و پشێوی بگیرێت.

نوێ دەکرێتەوە..