كۆماری چیک بەئامانجگرتنی ژێرخانی وزەی كوردستان بەتووندی سەركۆنە دەكات

ئاڤا نیوز

كۆنسوڵی نوێی كۆماری چیک، خواستی وڵاتەكەی بۆ بەهێزكردنی پەیوەندییەكان لەگەڵ هەرێمی كوردستان لەبوارە جۆراوجۆرەكاندا دووپات دەكاتەوە، هاكات سەركۆنەی بەئامانجگرتنی ژێرخانی وزەی هەرێمی كوردستان دەكات.

چیرۆكی سەرەكی: ئەمڕۆ 27ـی تشرینی دووەم، سەرۆكوەزیران مەسرور بارزانی، پێشوازی لە لوکاش گیوریچ، کۆنسوڵی گشتیی نوێی کۆماری چیک لە هەرێمی کوردستان کرد، و پیرۆزبایی دەستبەكاربوونی لە ئەركە تازەكەی كرد.

ڕاگەیێنراوی فەرمی: ماڵپەڕی فەرمیی حكومەتی هەرێمی كوردستان بڵاویكردووەتەوە، سەرۆكوەزیران مەسرور بارزانی، پشتیووانی حكومەتی هەرێمی كوردستانی بۆ سەرخستنی كۆنسوڵی نوێی كۆماری چیك لە ئەركەكەی دەربڕی.

لەلایەكی دیكەوە: کۆنسوڵی گشتیی چیک، خواستی وڵاتەکەی بۆ بەهێزکردنی پەیوەندییەکان لەگەڵ هەرێمی کوردستان لە بوارە جۆراوجۆرەکاندا دووپات کردەوە.

زانیاریی زیاتر: لە كۆبوونەوەكە، هەردوولا هێرشە تیرۆریستییەکەی سەر کێڵگەی کۆرمۆر و ژێرخانی وزەی هەرێمی کوردستانیان بە تووندترین شێوە سەرکۆنە کرد.