عەمار حەکیم: هێرشکردنە سەر کۆرمۆر ئاسایشی وڵات دەکاتە ئامانج

ئاڤا نیوز

سەرۆکی ڕەوتی حیکمە هێرشەکەی سەر کێڵگەی غازی کۆرمۆر لە سلێمانی بە تووندی ئیدانەی کرد، هاوکات داوای سزادانی بکەرانی دەکات.

چیرۆکی سەرەکی: ڕۆژی پێنجشەممە (27ـی تشرینی دووەمی 2025)، عەمار حەکیم، سەرۆکی ڕەوتی حیکمە، لە بەیاننامەیەکدا هەڵوێستی فەرمی خۆی لەبارەی هێرشکردنە سەر کێڵگەی غازی کۆرمۆر لە سنووری پارێزگای سلێمانی ڕاگەیاند و دژی ئەو کردەوەیە وەستایەوە. 

بەیاننامەی فەرمی: عەمار حەکیم لە بەیاننامەکەدا دەڵێت: "ئیدانە و سەرکۆنەی بەئامانجگرتنی کێڵگەی کۆرمۆر لە سلێمانی دەکەم و جەخت دەکەمەوە کە ئەم جۆرە کارە تێکدەرانە، ئاسایش و سەقامگیریی وڵات دەکەنە ئامانج".

حەکیم دوپاتی کردەوە: دەبێت ئەو کەسانەی لە پشت هێرشەکەوەن و تێوەگلاون، دەستگیربکرێن و ڕووبەڕووی دادگا و سزای یاسایی بکرێنەوە تا دادپەروەری جێبەجێ بکرێت."