وەزیری سامانە سروشتییەکان: بۆ یەک هەفتە غازی ماڵانمان هەیە و بەهیچ شێوەیەک گران نابێت

ئاڤا نیوز

وەزیری سامانە سروشتییەكانی هەرێمی كوردستان بەوەكالەت دەڵێت، بۆ هەفتەیەك غازى ماڵانمان هەیە و بەهیچ شێوەیەک گران نابێت.

چیرۆکی سەرەکی: کاتژمێر 11:30ـی شەوی ڕابردوو، هێرش کرایە سەر کێڵگەی کۆرمۆر لە چەمچەماڵ، بەهۆیەوە بەشێکی کێڵگەکە گڕی گرتوو وهەناردەی غاز بۆ سەرجەم وێستگەكانی سووتەمەنی ڕاگیرا، جگە لە كەمبوونەوەی ئاستی بەرهەمهێنانی کارەبا، زیانی زۆر بەر کێڵگەکە کەوتووە.

لێدوانی فەرمی: وەزیری سامانە سروشتییەكانی هەرێمی كوردستان بەوەكالەت دەڵێت، بۆ هەفتەیەك غازی ماڵانمان هەیە، بۆیە تەقینەوەی كێڵگەی كۆرمۆر و وەستانی ناردنی غاز لە كێڵگەكەوە، هیچ كاریگەرییەكی لەسەر كەمبوونەوەی غازی ماڵان نابێت و گران نابێت.

بەتەنیشت ئەم بابەتەوە: وەزیری سامانە سروشتییەکان دەشڵێت: داوامان لە وەزیری نەوتی عێراق کردووە، لەم دۆخە هاوکارمان بن، ئەوان بەڵێنیانداوە بە زوویی غاز بۆ هەرێمی کوردستان بنێرن و ئەمەش یارمەتیدەر دەبێ بۆ ئەوەی کێشەی کەمی غاز دروست نەبێت.

- کەمال محەممەد لەبارەی کاتی ئاسایبوونەوەی پێدانی کارەبای نیشتمانیش دەڵێت، ئەگەر کێشەکە تەنیا لە کۆگەدا بێت، لە ماوەی 24 بۆ 48 کاتژمێری داهاتوو، ئاسایی دەبێتەوە.