بەشە ئاردی مانگی 10 دابەش دەکرێت

ئاڤا نیوز

دابەشکردنی بەشە ئاردی مانگی نۆ بەرەو کۆتایی دەڕوات، دوای تەواوبوونی ڕەزامەندی وەرگیراوە ڕاستەوخۆ دەست بکرێت بە دابەشکردنی بەشە ئاری مانگی 10ـی ئەمساڵ.

وێنە گەورەکە: دابەشكردنی بەشە ئارد و بەشە خۆراکی مانگانەی هەرێمی کوردستان و عێراق لە یەک ئاستدایە، ئێستا بەشە ئاردی مانگی نۆ دابەش دەکرێت و گەیشتووەتە قۆناغی کۆتایی، ئامادەکاری دەکرێت بۆ دابەشکردنی بەشە ئاردی مانگی 10، پێشبینی دەکرێت بەمنزیکانە دەست بە دابەشکردنی  بکرێت.

لێدوانی فەرمی: نه‌وزاد شێخ كامیل، بەڕێوەبەری گشتیی وەزارەتی بارزگانی و پێشەسازی هەرێمی کوردستان، بە ئاڤا میدیای ڕاگەیاند، دابەشکردنی به‌شه‌ ئاردی مانگی نۆ گەیشتووەتە قۆناغی کۆتایی، دوای تەواوبوونی ده‌ست به‌ دابه‌شكردنی ئاردی نوێ ده‌كرێت، لە عێراق و هەرێمی کوردستان دابەشکردنی بەشە ئارد و بەشە خۆراکی مانگانە لە یەک ئاستدان، ئێستا بەشە ئاردی مانگی نۆ و سەبەتەی خۆراکی حەوتەم دابەش دەکرێت.

زانیاریی زیاتر: نەوزاد شێخ کامیل دەڵێت، ڕەزامەندیمان وەرگرتووە ڕاستەوخۆ دوای تەواوبوونی بەشە ئاردی مانگی نۆ دەست بکەین بە دابەشکردنی بەشە ئاردی نوێ بکەین، بۆ سەبەتەی خۆراکیش بە هەمان شێوە دوای تەواوبوونی دەست دەکەین بە دابەشکردنی سەبەتەی خۆراکی نوێ، پێشبینی دەکەین هەفتەی داهاتوو کۆتایی بێت و بەشە ئاردی تازە دابەش دەکەین.

ئەوەی پێویستە بیزانیت: هاووڵاتییان چاوەڕێی کاراکردنی خزمەتگوزارییەکانی پسوولەی خۆراکی ئەلیکترۆنین بۆ زیادکردنی ناوی منداڵی تازە لە دایکبوو و دروستکردنی پسوولەی خۆراکی نوێ بۆ ئەوانەی تازە هاوسەرگیرییان کرد، ئامادەکارییەکان بۆ ئەم پڕۆسەیە بەردەوام بڕیارە بەم زووانە کارا بکرێتەوە، خزمەتگوزارییەکان دەست پێ بکات.