وەزارەتی کارەبا: كێشەكانی كێڵگەی كۆرمۆر چارەسەركران و دۆخەكە ئاسایی دەبێتەوە

ئاڤا نیوز

وەزارەتی کارەبا ڕایگەیاند، كێشەكانی كێڵگەی غازی كۆرمۆر چارەسەركران و دۆخەكە ئاسایی دەبێتەوە. بە زووترین کات دەست بە پرۆسەی بەرهەمهێنانی گازی سرووشتی بۆ وێستگەكانی کارەبا دەکرێتەوە و دۆخەکە ئاسایی دەبێتەوە.

چیرۆکی سەرەکی: شەوی چوارشەممەی هەفتەی ڕابردوو، کاتژمێر 11:30ـی شەو، هێرشکرایە سەر کێڵگەی گازی کۆرمۆر لە چەمچەماڵ، بەهۆیەوە بەرهەمهێنانی کارەبای نیشتمانی دابەزی و پێدانی کاتژمێرەکانی کارەبا لە ڕۆژێکدا کەمبووەوە بۆ پێنج کاتژمێر.

ڕاگەیێنراوی فەرمی: وەزارەتی سامانە سرووشتییەکانی حکومەتی هەرێمی کوردستان ڕایگەیاند، زۆربەی كێشە تەكنیکییەكانی کۆمپانیای داناگاز چارەسەر كراون، "هەر کاتێک دەست بە گواستنەوەی گازی سرووشتی بۆ وێستگەکانی کارەبا كرا، هاوڵاتیانی كوردستان ئاگادار دەكەینەوە". 

ڕوونی دەکاتەوە، ئەمڕۆ تیمێکی هاوبەشی هەردوو وەزارەتی سامانە سرووشتییەکان و وەزارەتی كارەبا بە سەرپەرشتیی بریکاری وەزارەتی سامانە سرووشتییەكان و وەزارەتی كارەبا و بە ئامادەبوونی بەڕێوەبەرانی گشتیی دیوانی وەزارەت و بەرهەمهێنانی كارەبا و كۆنترۆڵی كارەبای هەرێم و راوێژكاری ئابووری لەگەڵ بەرپرسانی کۆمپانیای داناغاز، بۆئەوەی بە زووترین کات دەست بە پرۆسەی بەرهەمهێنانی گازی سرووشتی بکرێتەوە، سەرقاڵی چارەسەرکردنی کێشە تەکنیکییەکانی بەرهەمهێنان بوون، ئێستا زۆربەیان كێشەكان بەرەو چارەسەرکردن چوون.

زانیاریی زیاتر: بەپێی ڕاگەیێنراوەکەی وەزارەتی سامانە سرووشتییەکان، هەر بە دەستپێکردنی بەرهەمهێنانی گاز، ڕاستەوخۆ بۆ وێستگەکانی کارەبا دەگوازرێتەوە و هاووڵاتیانی کوردستان لە هەر پێشوەچوونێکی پرۆسەکە ئاگادار دەکرێنەوە.

نوێ دەکرێتەوە...