نزیکەی هەزار خانەنشینی پێشمەرگە نۆ مووچە بەیەکەوە وەردەگرن

ئاڤا نیوز

کارکردن لەسەر دۆسیەی خانەنەنشینانی پێشمەرگە بەردەوامە، لەگەڵ دابەشكردنی مووچەی مانگی نۆ سەرووی هەزار خانەنشین، ئەو مووچانەی وەریان نەگرتووە وەردەگرن.

وێنە گەورەکە: 27 هەزار پێشمەرگە کە تەمەنی خانەنشین بوونیان هاتووە، دۆسییەکانیان بەپێی یاسای خانەنشینی پێشمەرگە ژمارە 38ـی ساڵی 2007 ڕەوانە دەکرێن، بەڵام ئیمتیازەکانی بەپێی یاسای خانەنشینی یەكگرتووی عێراق ژمارە 9ـی ساڵی 2014 هەژمار دەکرێت.

زانیاریی تایبەت: سەرچاوەیەک لە خانەنشینی پێشمەرگە بە ئاڤای گوت، سەرووی هەزار و 400 پێشمەرگە دۆسییەکانیان تەواو بووە، نزیکەی هەزار پێشمەرگە لەگەڵ لیستی مووچەی مانگی نۆ، نۆ مووچە بەیەکەوە وەردەگرن. بەشێکی دیکەیان لەگەڵ لیستی مووچەی مانگی 10 نێردراون، 10 مووچە بەیەکەوە وەردەگرن.

ئەمەش بزانە: ئەم پێشمەرگانە لە 31-12-2024 گەیشتوونەتە تەمەنی خانەنشینی، لە پێشمەرگەی ئاسایی تاوەکو پلەی (نائب زابت)ـی تێدایە.