زیانی بۆردوومانکردنی کێڵگەی کۆرمۆر 25 ملیۆن دۆلار بووە

ئاڤا نیوز

یەکێک لە گەورەترین کۆگاکانی هەڵگرتنی سووتەمەنی لە کێڵگەی غازی کۆرمۆر کە بە 18 مانگ دروستکراوە، بە گوێرەی خەمڵاندنەکان زیانی زیاتر 25 ملیۆن دۆلاری بە کێڵگەکە گەیاندووە. 

وێنە گەورەکە: هەوڵی تیرۆریستی و ئاراستەکردنی مووشەک لەلایەن لە یاسا دەرچووانەوە بۆ کێڵگەی غازی کۆرمۆر کاردانەوەی فراوانی لە ناوخۆ و جیهاندا لێکەوتووە، وڵاتانی جیهان بە تووندی سەرکۆنەی ئەو کردە تاوانکاریەیان کردووە. 

زانیاریی بەدەستهاتوو: بە گوێرەی ئەو زانیارییانەی ئاڤا لە حکومەتی هەرێمی کوردستان دەستی کەوتووە، یەکێک لە گەورەترین کۆگاکانی هەڵگرتنی سووتەمەنی نەفتا واتا گاز و نەوت ئاگری گرتووە کە قەبارەکەی 25 هەزار و 440 مەتر سێجایە، کە 160 هەزار بەرمیل دەگرێت،  بە ماوەی 18 مانگی دروستکراوە و هەمان کاتی پێویستە بۆ دووبارە نۆژەنکردنەوەی و دروستکردنەوەی. 

زانیاریی زیاتر: زیانی تەقاندنەوەی ئەم کۆگای غازە بە زیاتر لە 25 ملیۆن دۆلار دەخەمڵێنرێت، ئەمەش بە هۆی ئەوەی بەشێکی پەمپ و بۆرییەکانی کێڵگەکەش سووتاون. 

بڵاوکراوەی فەرمی: بەپێی ڕاگەیێنراوێکی ڕوانگەی ئیکۆ عێراق، زیانەکانی وەستانی بەرهەمهێنانی غاز ڕۆژانە زیاتر لە حەوت ملیۆن دۆلارە.

- ئەمە جگە لە زیانەکانی کرێی کۆمپانیاکانی بەکارخستن و تێچووی گواستنەوە و کۆمپانیا خزمەتگوزارییەکان.