یەکەم هەڵوێستی بەرەی مقاوەمە لەبارەی هێرشەکەی سەر کۆرمۆر

ئاڤا نیوز

بەرەی مقاوەمەی عێراقی ڕەتیدەکاتەوە ئەوان لە پشت هێرشەکەی سەر کێڵگەی غازی کۆرمۆرەوە بووبن و دەڵێن، چەکی ئەوان تەنیا ڕووی لە هێزی "داگیرکەرانە" و پڕۆژەکانی ژێرخان و  دامەزراوە مەدەنییەکان ناکەنە ئامانج.

چیرۆکی سەرەکی: شەوی چوارشەممەی ڕابردوو هێرشکرایە سەر کێڵگەی غازی کۆرمۆر لە سنووری قەزای چەمچەماڵ و لە ئەنجامدا ئاگرێکی گەورە لە کۆگایەکی غاز کەوتەوە، هێرشەکە هەرچەندە زیانی گیانی نەبوو، بەڵام بەهۆیەوە بەرهەمهێنانی کارەبای هەرێمی کوردستان بەڕێژەی 80% کەم بووەتەوە.

ڕاگەیێنراوی فەرمی: دەستەی هەماهەنگی مقاوەمەی عێراقی ئەمڕۆ یەکشەممە لە ڕاگەیێنراوێکدا باسی لەوەکردووە، ئەوان بەهیچ شێوەیەک لەپشت هێرشەکەی سەر کێڵگەی غازی کۆرمۆر نەبوون و تۆمەتی هەندێک دەزگای ڕاگەیاندن لەم بارەیەوە وەک هەوڵێک بۆ تێکەڵکردنی کارتەکان دەبینن.

ئاماژەی بەوەشکردووە، چەکی بەرەی مقاوەمە ڕووی لە "داگیرکەرانە" و بۆ کردنە ئامانجی شوێنی مەدەنی بەکارناهێنرێت، لە ماوەی ڕابردووشدا ئامادەیی خۆیان نیشاندانەوە تا لە لێکۆڵینەوەکانی تایبەت بە ئاشکراکردنی بکەرانی ئەو هێرشانەدا بەشداریی بکەن، کە ژێرخان و سامانی نیشتیمانی بە ئامانج دەگرن، هەروەها ئامادەبوون ببنە بەشێک لە سیستمی بەرگری بۆ پاراستنی ئاسمانی عێراق و بەدیهێنانی سەروەری تەواو.

نوێ دەکرێتەوە...