ئاڤای خەڵک؛ زیاتر لە هەشت ساڵە هۆڵی نەشتەرگەریی نەخۆشخانەی شەهید تۆفیق له‌ كار كه‌وتووه

ئاڤا نیوز

زیاتر لە هەشت ساڵە هۆڵی نەشتەرگەری نەخۆشخانەی شەهید تۆفیق لە دەربەندیخان، بە هۆی بومەلەرزەوە زیانی زۆری بەرکەوتووە و ئیشی تێدا ناکرێت، تاوەکو ئیستاش چاک نەکراوەتەوە.

بەدواداچوونی ئاڤا: خەڵکی ناوچەکە بە هۆی نەبوونی نەخۆشخانەوە ناچارن بۆ نەشتەرگەری سەردانی شارەکانی دیکە بکەن، ئەمەش بارگرانی زۆری بۆ دروستکردوون و داوای چارەسەری دەکەن. 

لێدوانی فەرمی: پۆڵا خەلیفە، بەرێوەبەری پرۆژەکانی وەزارەتی تەندروستی دەڵێت، لە ماوەی 7 ساڵی ڕابردوودا نزیکەی 235 ملیۆن دینار بۆ چاککردنی هۆڵی نەشتەرگەرییەکە تەرخانکراوە, بەڵام بە هۆکاری جیا جیا تا ئێستا نەتوانراوە نۆژەنبکرێتەوە.

زانیاریی زیاتر: ئێستا جارێکی دیکە لەسەر بڕیاری سەرۆکوەزیران مەسرور بارزانی، 460 ملیۆن دیناری بۆ تەرخانکراوە و لەم ماوەیەدا دەست بە نۆژەنکردنەوەی دەکرێت.