سەرۆک بارزانی دوای کردنەوەی پێشانگای کتێب لە زاخۆ: زاخۆ هەم دڵ و هەم ڕۆحی منن

ئاڤا نیوز

بە ئامادەبوونی سەرۆک بارزانی، یەکەم پیشانگای نێودەوڵەتیی کتێب لە زاخۆ کرایەوە و ماوەی شەش ڕۆژ بەردەوام بێت، لە چوارچێوەی پێشانگاکە سەرۆک بارزانی وتارێکی پێشکەش کرد و هیوای پێشکەوتن و گەشانەوەی بۆ زاخۆ خواست.

 

چیرۆکی سەرەکی: ئەمڕۆ یەکشەممە، یەکەمین پێشانگای نێودەوڵەتیی کتێب لە زاخۆ بە ناونیشانی "زاخۆ دەخوێنێتەوە" کرایەوە، پێشانگاکە زیاتر لە 20 هەزار ناونیشانی کتێب لەخۆدەگرێت، 50 دەزگای چاپ و بڵاوکردنەوەی ناوخۆیی و بیانی لە 10 وڵات، بەشداریی پێشانگاکەیان کردووە.

 

لێدوانی فەرمی: سەرۆک بارزانی دوای کردنەوەی پێشانگەکە وتارێکی پێشەشکرد و گوتی، "شوکرانەی خودا دەکەم بۆ ئەو ڕۆژە خۆشانە، دوێنێ لە جزیرێ ئەمڕۆ لە زاخۆم. ئینشاڵڵا خودا هەر خێر و خۆشی بدات".

 

سەرۆک بارزانی وتیشی، "پێشانگای نێودەوڵەتی کتێب کە ئەمڕۆ لە زاخۆ کراوەتەوە، جێگای دڵخۆشیەکی مەزنە، ئیشاڵڵا هەر ببینم زاخۆ جێگای هونەر و کولتوور و مێرانی و کوردایەتی و پێشمەرگایەتی بێت. زاخۆ، زاخۆیە. دەستخۆشیتان لێ دەکەم، ئیشاڵڵا زاخۆ هەر لە سەرکەوتن و پێشکەوتن و خۆشی دەبینم، جارێک من وتم زاخۆ ڕۆحی منن، بەڵام هەم دڵن و هەم ڕۆحن."

 

ئەمەش بزانە: یەکەمین پێشانگای نێودەوڵەتیی کتێب لە زاخۆ، بڕیارە بۆ ماوەی شەش ڕۆژ بەردەوام بێت، کاتژمێر 10ـی بەیانی تاوەکو کاتژمێر 6ــی ئێوارە دەرگای پێشانگاکە بەڕووی خوێنەر و کڕیاران دەکرێتەوە، هاوکات لە هەر شەش ڕۆژی پێشانگاکەدا چەندین بڕگە و چالاکی ڕۆشنبیری، ئەدەبی، هونەری و فەرهەنگی، وەک دیدار  پانێل و وۆرک شۆپ بەڕێوەدەچن.