ژمارەی قوربانییانی ئاگرەکەی هۆنگ کۆنگ بۆ 146 کەس بەرز بوویەوە

ئاڤا نیوز

ژمارەی گیانلەدەستدان بەهۆی ڕووداوی ئاگرکەوتنەوەکەی باڵەخانەیەکی نیشتەجێبوونی هۆنگ کۆنگ بۆ 146 کەس بەرز بوویەوە.

چیرۆکی سەرەکی: ئاگرەکەی ڕۆژی 26-11-2025 لە سێ باڵەخانەی بەرز لە ناوچەی وانگ فۆک لە هۆنگ کۆنگ کەوتەوە کە لە ساڵی 1980وە خوێناویترین ڕووداوی ئاگرکەوتنەوەی بینای نیشتەجێبوون بووە لە جیهاندا.

لێدوانی فەرمی: تسانگ شوک ئین، سەرپەرشتیاری سەرەکیی یەکەی لێکۆڵینەوەی قوربانییەکانی پۆلیس ڕایگەیاند، ناتوانین ئەگەری بەرزبوونەوەی زیاتری ژمارەی قوربانیان ڕەت بکەینەوە.

ئەمەش بزانە: تا ئێستا 11 کەس پەیوەست بەم ڕووداوەوە دەستگیر کراون و لێکۆڵینەوە لە ڕووداوەکە بەردەوامە و لیژنەیەک بۆ ئەم مەبەستە پێکهێنراوە.