نێچیرڤان بارزانی و باڵيۆزى سويسرا تاوتوێی برەودان بە پەیوەندییەکان دەکەن

ئاڤا نیوز

نێچیرڤان بارزانی، سەرۆکی هەرێمی کوردستان و باڵیۆزی سویسرا، گفتوگۆی پەیوەندییەکانی نێوان هەردوولا و ده‌رفه‌تى كار و وه‌به‌رهێنانى كۆمپانيا سويسرييه‌كان له‌ هه‌رێمى كوردستان كرد و دوايين پێشهاته‌كانى ناوچه‌كه‌یان کرد.

چیرۆکی سەرەکی: دوای نیوەڕۆی ئه‌مڕۆ دووشه‌ممه 1-12-2025، نێچيرڤان بارزانى، سه‌رۆكى هه‌رێمى كوردستان، پێشوازيى له‌ دانيێل هون، باڵيۆزى سويسرای له‌ عێراق كرد.

ڕاگەیێنراوی فەرمی: سەرۆکایەتیی هەرێمی کوردستان بڵاویکردوەتەوە: له‌ ديدارێكدا نێچيرڤان بارزانى، سەرۆکی هەرێمی کوردستان، ده‌ستخۆشى و سوپاسى دووباره‌كردنه‌وه‌ى باڵيۆزخانه‌ى سويسراى له‌ به‌غدا كرد و به‌ هه‌نگاوێكى گرنگ بۆ به‌ره‌وپێشبردنى په‌يوه‌ندييه‌كانى نێوان هه‌ردوولاى له‌ قه‌ڵه‌م دا.

 

زانیاریی زیاتر: هه‌ردوولا جه‌ختيان له‌ خواستى دوولايه‌نه‌ بۆ بره‌ودان به‌ په‌يوه‌ندييه‌كان و فراوانكردنى هاريكاريى هاوبه‌شى نێوانيان كرده‌وه‌، به‌تايبه‌تى له‌ بوارى ئابووريدا. هه‌روه‌ها باسيان له‌ ده‌رفه‌تى كار و وه‌به‌رهێنانى كۆمپانيا سويسرييه‌كان له‌ هه‌رێمى كوردستان كرد، دوايين پێشهاته‌كانى ناوچه‌كه‌ و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى ديداره‌كه‌ بوو.