ئەندامێکی مەکتەبی سیاسی یەکێتی وازیهێنا

ئاڤا نیوز

شاڵاو شەهید عەلی عەسكەری، ئەندامی مەکتەبی ساسی یەکێتی وازی لە پۆستەکەی وەک ئەندامی مەکتەبی ساسی یەکێتی هێنا.

چیرۆکی سەرەکی: ئەمڕۆ دووشەممە 1-12-2025، لە کۆبوونەوەی مەکتەبی سیاسی یەکێتی کە لە دەباشان بەڕێوەچوو، شاڵاو شەهید عەلی عەسكەری، دەستبەرداری پۆستی ئەندامی مەکتەبی سیاسی حیزبەکەی بوو.

ڕاگەیێنراوی فەرمی: لە ڕاگەیێنراوی مەکتەبی سیاسی یەکێتیدا هاتووە: لەكۆبوونەوەی ئەمڕۆی مەکتەبی سیاسی، دوای 49 ساڵ خەبات و قوربانیدان و ئامادەبوونی لەهەموو قۆناغەكانی شاخ و شار، بەویستی خۆی داوای لە هەڤاڵانی مەكتەبی سیاسی كرد، شاڵاو شەهید عەلی عەسكەری، دەستبەرداری پۆستی مەكتەبی سیاسیی یەكێتیی نیشتمانیی كوردستان بوو.

زانیاریی زیاتر: بەپێی ڕاگەیێنراوەکە، شاڵاو عەلی عەسکەری، لە دەرەوەی ئۆرگان و بەرپرسیارێتی حیزبی، داكۆكیکاری یەكێتیی دەبێت و لەکوێ یەکێتی پێویستی بێت ئەو ئامادە دەبێت.

لە لایەکی دیکەوە: لە بەشێکی دیکەی ڕاگەیێنراوەکەدا ئاماژە بۆ ئەوە کراوە، بافڵ تاڵەبانی و ئەندامانی مەکتەبی سیاسی یەکێتی، ستایشی شاڵاو عەلی عەسکەری و خانەوادەکەیان کردووە.