ئومێد خۆشناو: بەشێک لە خێزانەكانی گوندی لاجان گەڕاونەتەوە

ئاڤا نیوز

پارێزگاری هەولێر دڵنیایی دەدات بە هاووڵاتییان کە کێشەکان بەرەو چارەسەرکردن ڕۆیشتوون، داوا لە خەڵکی لاجانیش دەکەم بێ کێشە دەتوانن بگەڕێنەوە ماڵەکانیان. 

وێنە گەورەکە: ئەمڕۆ لە گوندی لاجانی گوێڕ بەشێک لە هاووڵاتییان بە هۆی ترسیان لە جوڵەپێکردنی هێز بۆ جێبەجێکردنی یاسا، ماڵەکانی خۆیان بەجێهێشت و تاوەکو ئێوارە لەسەر شەقامەکان مانەوە، دواتر پارێزگاری هەولێر سەردانی کردن و دڵنیایی لەبارەی چارەسەربوونی کێشەکان پێدان. 

لێدوانی فەرمی: ئومێد خۆشناو، پارێزگاری هەولێر بە ئاڤای ڕاگەیاند:  گرژییەكانی گوندی لاجان بەشێكە لە پیلانێک دژی كوردستان، ئەوەی ئەمڕۆ ڕوویدا لە دڵەوە پێمان ناخۆشە و هەموو هەوڵێکیشمان داوە بۆ ئاسایکردنەوەی دۆخەکە. 

- داوا لە خەڵکی گوندی لاجان دەکەم بگەڕێنەوە ماڵەکانیان و هیچ کێشەیان بۆ دروست نابێت. 

- بەشێکی زۆر لە داواکارییەکانی دانیشتووانی گوندەکە جێبەجێ کراون و ژمارەیەکی زۆر لە خەڵکی گوندەکەش پاڵاوگەی لاناز کار دەکەن. 

- پلانێک هەبوو بۆ تێکدانی ئارامی کوردستان لە داهاتوودا ئەوەش ڕوون دەبێتەوە و ئاشکرا دەکرێت کە کێ لە پشتی ئەو کارانەوەیە.