پەیامنێری ئاڤا: خەڵکی گوندی لاجان دەگەڕێنەوە ماڵەکانیان

ئاڤا نیوز

پەیامنێری ئاڤا میدیا باسی لەوەکرد خەڵکی گوندی لاجان دەستیان کردووە بۆ گەڕانەوە بۆ ماڵەکانیان و دۆخەکە ئاسایی بووەتەوە، پارێزگاری هەولێرش سەردانی خەڵکی ئەو گوندەی کرد و داوای لێکردن پلانی ناحەزانی کوردستان لەگۆڕ بنێن. 

چیرۆکی سەرەکی: بەمەبەستی ئاساییكردنەوەی دۆخی ئەم چەند ڕۆژەی گوند لاجان، ئەمڕۆ دووشەممە، 1-12-2025،  موختار و نوێنەر و ڕیشسپیانی گوندی لاجان لەگەڵ بەرپرسانی وەزارەتی ناوخۆی هەرێمی کوردستان کۆبوونەوە، دوای کۆبوونەوەکەش داوایان لر خەڵکی گوندی لاجان کرد بگەڕێنەوە ماڵەکانیان.

زانیاریی پەیامنێر: عوبێد هەرکی، پەیامنێری ئاڤا میدیا، گوتی: خەڵکی گوندی لاجان دووپاتی دەکەنەوە یاسا سەروەرە، هەر بڕیارێکی حکومەتی هەرێمی کوردستان بدرێت جێبەجێ دەکەین و دەمانەوێت بگەڕێینەوە ماڵەکانمان.

- خەڵکی گوندی لاجان بەشێکیان گەڕاونەتەوە ماڵەکانیان و ئەوانەشی ماونەتەوە وردە وردە دەگەڕێنەوە و بارودۆخەکە بەرەو ئاسایی بوونەوە دەچێت.

- پارێزگاری هەولێر لە ناو گوندی لاجان پێشوازی لە خەڵکی گوندی لاجان دەکات و لە نزیکەوە گوێ لە داواکارییەکانیان دەگرێت.

- خەڵکی گوندی لاجان دەڵێن، خەڵکی ئێمە لە کۆمپانیای لاناز کار دەکەن و هیچ کێشەیەکەمان ، دەمانەوێت بارودۆخەکە ئاسایی ببێتەوە.

- خەڵکی گوندی لاجان دووپاتیان کردەوە، ئەو کەسەی لە بڵندگۆ داوای کرد خەڵک ماڵەکانیان جێبهێڵن، هێزی ئەمنی نەبووە.

- خەڵکی گوندی لاجان داوا دەکەن ئەو هێزانەی لە ناوچەکەن بکشێنەوە، تەئکیدیش لە داواکارییەکی پێشتریان دەکەنەوە کە هەندێ هەلی کاری دیکەیان لە کۆمپانیای لاناز بۆ بڕەخسێنرێت.