شاندی ئیمرالی بۆ کۆبوونەوەی لەگەڵ ئۆجەلان بەڕێ کەوت

ئاڤا نیوز

هەریەک لە پەروین بوڵدان، میدحەت سانجار و فایق ئۆزگور ئەرۆڵ ئەندامانی شاندی ئیمرالی، بە مەبەستی کۆبوونەوە لەگەڵ عەبدوڵڵا ئۆجەلان بەرەو دوورگەی ئیمرالی بەڕێ کەوتوون.

زانیاریی بەدەستهاتوو: ئەم سەردانەی شاندی ئیمرالی لە کاتێکدایە، چەند ڕۆژێک لەمەوبەر و بۆ یەکەمجار شاندێکی سێ کەسی کۆمیسیۆنە پەرلەمانییەکەی تورکیا بە مەبەستی گوێگرتن لە سەرنج و پێشنیازەکانی بۆ سەرخستنی پرۆسەی ئاشتی چوونە لای ئۆجەلان و لەگەڵیدا کۆبوونەوە.

زانیاریی زیاتر: لە دەسپێکی قۆناغی ئەمجارەی پرۆسەی ئاشتییەوە، تاکوو ئێستا ئەندامانی شاندی ئیمرالی هەشت جاری دیکەش لەگەڵ ئۆجەلان کۆبوونەتەوە.