ژمارەی گیانلەدەستدان بەهۆی لافاوەکەی ئاسیا بەرزتر دەبێتەوە

ئاڤا نیوز

 

ژمارەی قوربانیانی لافاوەکەی باشووری ڕۆژهەڵاتی ئاسیا زیاتر بەرزبووەتەوە و هێشتاش بەسەدان کەس بێسەروشوێنن.

 

ڕاگەیێنراوی فەرمی: ئاژانسی نیشتمانیی بەڕێوەبردنی کارەساتەکانی ئەندەنووسیا ڕایگەیاند، ژمارەی گیانلەدەستدان بەهۆی لافاو و ڕۆچوونی زەویی هەفتەی ڕابردوو بۆ 712 کەس بەرزبووەتەوە.

 

هاوکات، زیاتر لە 500 کەس بێسەروشوێنن و نزیکەی یەک ملیۆن و 100 هەزار کەسیش زیانیان بەرکەوتووە.

 

لەلایەکی دیکەوە: ناوەندی بەڕێوەبردنی کارەساتەکانی سریلانکا ڕایگەیاند، ژمارەی گیانلەدەستدان لەو وڵاتە بۆ 410 کەس بەرزبووەتەوە و 336 کەسی دیکەش بێسەروشوێنن. هەروەها، زیاتر لە یەک ملیۆن و 500 هەزار کەس زیانیان بەرکەوتووە.