کشتوکاڵی عێراق بڕیارێک لە بەرژەوەندیی جووتیاران دەدات

ئاڤا نیوز

لەپێناو ساغبوونەوەی بەرهەمی ناوخۆیی جووتیاران، وەزارەتی کشتوکاڵی عێراق هاوردەکردنی شەش بەرهەمی کشتوکاڵی لە دەروازە سنوورییەکان قەدەغە دەکات.

 

وێنە گەورەکە: ساڵانە لە وەرزی پێگەیشتنی بەرهەمی ناوخۆیی، وەزارەتی کشتوکاڵی عێراق یان بەڕێوەبەرایەتیی کشتوکاڵی پارێزگاکان بەپێی تایبەتمەندی کشتوکاڵیی ناوچەکەیان قەدەغەی هاوردە دەخەنە سەر چەند بەرهەمێک.

 

ڕاگەیێنراوی فەرمی: وەزارەتی کشتوکاڵی عێراق ئەمڕۆ سێشەممە 2-12-2025 لەڕاگەیێنراوێکدا بڵاوی کردەوە: دوای پێگەیشتنی بەرهەمی ناوخۆیی بۆ وەرزی پاییز و سەرەتای زستان و بەهۆی زۆری بەرهەمهێنان لە ناوخۆ و جێگیربوونی نرخەکانیان، لەمەودوا هاوردەکردنی شەش بەرهەمی کشتوکاڵی قەدەغە دەکرێت.

 

زانیاریی زیاتر: وەزارەتی کشتوکاڵی عێراق، هاوردەکردنی تەماتە، کەلەرم، قەرنابیت، کاهو، شێلم و چەوەندەر قەدەغە دەکات.