د.لەتیف ڕەشید دەستی بە جووڵە کردووە بۆ ئەوەی ببێتەوە بە سەرۆککۆمار

ئاڤا نیوز

 

د.لەتیف ڕەشید، سەرۆککۆماری عێراق هەوڵەکانی دەستپێکردووە بۆ ئەوەی بۆ خولی دووەم ببێتەوە سەرۆککۆمار، لەو چوارچێوەیەدا سەردانی چەند لایەنێکی براوەی هەڵبژاردنی کردووە.

 

چیرۆکی سەرەکی: سەرۆککۆماری ئێستای عێراق لەم ڕۆژانە چەند کۆبوونەوە و سەردانێکی بۆ لای بەرپرسانی عێراق کردوون، لەوانە: نووری مالیکی، سەرۆکی هاوپەیمانیی دەوڵەتی یاسا،  عەممار حەکیم، سەرۆکی ڕەوتی حیکمە، مستەفا کازمی، سەرۆکوەزیرانی پێشوو و رەیان کلدانی، سکرتێری بزووتنەوەی بابلیوون.

زانیاریی تایبەت: بەپێی زانیارییەکانی ئاڤا، لەتیف ڕەشید داوای لە یەکێتی کردووە کاندیدی بکەنەوە بۆ ئەوەی خولی دووەم ببێتە سەرۆککۆمار، بەڵام بافڵ تاڵەبانی، سەرۆکی یەکێتی ڕازی نییە.

بافڵ تاڵەبانی، سەرۆکی یەکێتیی نیشتمانیی کوردستان خۆی وەکو کاندیدیێک دەبینێت و حەز دەکات ئەو پۆستە وەربگرێت. چەند رۆژێک پێش ئێستاش ئاڤا بڵاوی کردەوە مامۆستای عەرەبی گرتووە بۆ ئەوەی خۆی فێری زمانی عەرەبی بکات.