کاتژمێرێک دەوام لە قوتابخانەکان دەوەستێت

ئاڤا نیوز

وەزارەتی پەروەردەی هەرێمی کوردستان دەڵێت، ڕۆژی چوارشەممە 17ـی 12ـی 2025، بەمەبەستی بەرزڕاگرتنی ڕۆژی ئاڵای کوردستان، دەبێت کاتژمێرێک لە سەرەتای دەوام بۆ یادکردنەوەی ئەو ڕۆژە تەرخان بکرێت، ئەمەش هاوتاکە لەگەڵ بەڕێوەچوونی تاقیکردنەوەکان.

ڕاگەیێنراوی فەرمی: بەگوێرەی ڕاگەیێنراوەکە، بڕیارەکە سەرجەم ناوەندەکانی خوێندنی حکومی، ناحکومی و قوتابخانە نێودەوڵەتییەکان دەگرێتەوە. وەزارەت ڕێنمایی داوە کە سەرەتا مەراسیمی ڕۆژی ئاڵا بەڕێوە بچێت، پاشان قوتابیان دەست بە ئەنجامدانی تاقیکردنەوەکانیان بکەن.

ئەوەی پێویستە بیزانیت: ئەم بڕیارە گشتگیرە و بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، هەڵەبجە، گەرمیان، زاخۆ، سۆران، ڕاپەڕین و خوێندنی کوردی لە کەرکووک) پابەند کراون بە جێبەجێکردنی.