ئەمریکا یەکەمین هێزی تایبەت بە درۆنی هێرشبەر لە ڕۆژهەڵاتی ناوەڕاست ڕادەگەیێنێت

ئاڤا نیوز

فەرماندەی ناوەندی ئەمریکا بە فەرمی دامەزراندنی هێزێکی نوێی بە ناوی هێزی ئەرکی پێوەدانی دووپشک ڕاگەیاند، کە تایبەتە بە یەکەمین یەکەی درۆنی هێرشبەرە بۆمبڕێژکراوەکان و بنکەکەی لە ڕۆژهەڵاتی ناوەڕاست دەبێت.

ئەوەی پێویستە بیزانیت: دامەزراندنی ئەم هێزە چوار مانگ دوای ئەوە دێت، پێت هێگسێس وەزیری جەنگی ئەمریکا، فەرمانی کرد بە خێراکردنی پڕۆسەی دروستکردن و بڵاوکردنەوەی درۆنی نوێ.

بابەتە ستراتیژییەکە: ئامانجی سەرەکی خێرا گەیاندنی درۆنی هەرزان و کاریگەرە بە دەستی سەربازانی ئەمریکا لە بەرەکانی جەنگ لە ڕۆژهەڵاتی ناوەراست.

ئەمریکا درۆنێکی نوێ و کاریگەری داوەتە ئەو هێزەی لە ڕۆژهەڵاتی ناوەڕاست کە درۆنەکە خودکارن و بە ئۆتۆماتیکی ئەرکەکانیان جێبەجێ دەکەن. ئەم درۆنانە دەتوانرێت لەڕێگەی سەکۆوە یان مووشەک یان سیستەمی زەمینی گەڕۆک و ئۆتۆمبێلی سەربازی هەڵبدرێن.

لێدوانی فەرمی: براد کووپەر، فەرماندەی فەرماندەیی ناوەندی ئەمریکا لەم بارەیەوە ڕایگەیاند، ئەم هێزە دەبێتەوە هۆی ئەوەی دوژمن لە ترسی ئەم درۆنانە نەتوانێت هێرش بکاتە سەرمان.

زانیاریی بەدەستهاتوو: ئاڤا زانیویەتی، ئەمڕۆ بۆ ئەم مەبەستە فەرماندەی فەرماندەیی ناوەندی ئەمریکا هاتووە بۆ بنکەی ئاسمانی ئەلعودەیدی ئەمریکا لە قەتەر.