سیستەمی بەرگریی بۆ کۆرمۆر دابین دەکرێت

ئاڤا نیوز

محەممەد شیاع سوودانی، فەرماندەی گشتیی هێزە چەکدارەکان، ئەنجامی لێکۆڵینەوەکانی تایبەت بە هێرشکردنە سەر کێڵگەی غازی کۆرمۆری پەسەند کرد و بڕیاری دا سیستەمی بەرگریی بۆ کێڵگەی کۆرمۆر دابین بکرێت.

چیرۆکی سەرەکی: دوای هێرشەکەی سەر کێڵگەی کۆرمۆر، بە فەرمانی سوودانی لیژنەیەکی باڵای ئەمنی بۆ لێکۆڵینەوە لە هێرشەکە پێکهێنرا، ئەمڕۆ لیژنەکە ئەنجامی لێکۆڵینەوەکەی دایە سوودانی.

ڕاگەیێنراوی فەرمی: لە ڕاگەیێنراوێکدا فەرماندەی گشتیی هێزە چەکدارەکان ڕایگەیاند، وەزارەتی بەرگری بە هەماهەنگی لەگەڵ حکومەتی کوردستان سیستەمی بەرگریی ئاسمانی بۆ کێڵگەی کۆرمۆر دابین دەکات.